第一次嚟,完全係比傳說中的#肥肠鱼#吸引而來嘅,於是直奔主題-肥腸魚,68文一例。由於本人唔鍾意食小龍蝦,同行朋友亦都嚟過一次,食過#十三香小龙虾#,覺得不怎麼樣,我哋果斷直接跳過小龍蝦了。再要多個#十三香田鸡#(78文一例)。#肥肠鱼# ,牆!裂!推!薦!未食之前就久仰大名,但聽個名,感覺啲豬大腸係咪會好肥,個餸係咪好油好膩,同行友人上次又都未試過?但頂住大名,我唯有放肆一博!一直好怕啲大腸?一 展开
第一次嚟,完全係比傳說中的#肥肠鱼#吸引而來嘅,於是直奔主題-肥腸魚,68文一例。由於本人唔鍾意食小龍蝦,同行朋友亦都嚟過一次,食過#十三香小龙虾#,覺得不怎麼樣,我哋果斷直接跳過小龍蝦了。再要多個#十三香田鸡#(78文一例)。#肥肠鱼# ,牆!裂!推!薦!未食之前就久仰大名,但聽個名,感覺啲豬大腸係咪會好肥,個餸係咪好油好膩,同行友人上次又都未試過?但頂住大名,我唯有放肆一博!一直好怕啲大腸?一,有肥膏黐喺內壁,省唔淨,肥油;二,唔夠火候,燜得唔夠腍,黐牙咬唔開;三,有豬大腸嘅臊臭味,不過有人反而覺得食豬大腸就應該要有呢個獨有氣味,無先唔鍾意,但本人怕濃烈大腸味純屬個人口味。講翻肥腸魚,完全無以上三個困擾我嘅問題。係一啲都無!非常好食!就連我不怎麼感冒的孜然粉我都瞬愛了。因為個餸上面係撲滿調味粉嘅,其中味道最突出嘅就係孜然粉,不過成個香味好夾,入口好香,雖然偏鹹但根本停不下來。魚肉部分係片魚片,滑;魚骨同魚鰭部分,係拉油酥炸再煮,亦別有風味。墊底白蘿蔔切粗條,燜煮夠時間,好腍甜,而且好入味。份量雖然好大,但其實蘿蔔居多,而且大排檔嘅豬大腸同魚白蘿蔔賣68,感覺都係貴。大贊大贊,再一次強調,來店必試!#十三香田鸡# ,不推薦。2斤起叫,78文就係生秤2斤了。隻隻田雞髀都好壯實好大隻!長腿歐巴田雞!儘管這樣那樣,但唔會再點。原因出喺個十三香度,一陣藥材味,出去食藥炖排骨好過啦。我哋叫咗未辣,其實懷疑多啲辣會好食dddd咁多嘅~而且78文先唔係好多田雞,因為下邊青瓜墊底。下次可以試下其他煮法嘅田雞。工作日夜晚六點幾七點到店,旁邊嘅「盱眙周大龍蝦」一樓坐滿咗,叫咗我哋嚟旁邊「周大龍蝦蟹傳奇」坐。其實兩間一樣,同一個廚房出菜,係因為盱眙生意太好先喺旁邊開多個鋪位。服務員個阿姨態度幾好啊,成日笑笑口,對d菜式嘅疑問都笑顏回答,上菜都好快,大排檔係環境一般d囉。有二樓,得三四張檯,不過當日無開。有團購88文代100文現金券買,茶位、白飯、酒水唔用得,啲煲一例貴係貴啲,但都好大了,點咗兩個餸加白飯食完都飽到上心口了,好彩一開始無點青菜同小炒,唔係真係埋唔到尾。由於得兩條友,又點唔得多幾個餸,買多張券用唔晒,唯有補現金,無咁抵囉?傳統大排檔,都係多幾個人食點餸方便啲。 收起
