富力海珠城四楼,表妹靓点直行左手边就见到啦,店铺唔系好大,有卡座有普通四人台同高脚凳,就餐位唔算好多。过年噶时候同朋友嚟表妹吃饭见到仲装修紧,而家新店开张有折打。同样风格噶lady7价钱比呢度贵,成间店都好pink,唔中意公主风格噶人都唔会入嚟,不过装修唔算去到好尽,就系有D特色但系未到极致咁咯。食物种类选择唔多,都系意粉碟头饭咁噶简餐,甜品系而家好流行噶雪糕多士,饮品都系咖啡奶茶冰沙苏打之类~同 展开
富力海珠城四楼,表妹靓点直行左手边就见到啦,店铺唔系好大,有卡座有普通四人台同高脚凳,就餐位唔算好多。过年噶时候同朋友嚟表妹吃饭见到仲装修紧,而家新店开张有折打。同样风格噶lady7价钱比呢度贵,成间店都好pink,唔中意公主风格噶人都唔会入嚟,不过装修唔算去到好尽,就系有D特色但系未到极致咁咯。食物种类选择唔多,都系意粉碟头饭咁噶简餐,甜品系而家好流行噶雪糕多士,饮品都系咖啡奶茶冰沙苏打之类~同朋友提早订位,有幸坐入卡座,一坐落就唔系太舒服,因为沙发好矮张台好高,要吊住手臂吃饭。凳面唔够厚实,冇咩弹性,如果系度HEA要坐好耐噶话就要屁股受罪了。而且台同沙发之间空位好窄,落座要移开张台先坐到入去……点咗一个卡邦纳意粉一个松露野菌意粉,卡邦纳唔好吃,冇酱汁,粉又碎,厨师开小差的感觉。野菌意粉就好好味,酱汁够香唔算太腻,伴碟蒜香面包好香脆。点意粉加10元就可以换购玛琪雅朵或者苏打水,我同朋友分别Oder咗热噶红茶玛琪雅朵同冻噶绿茶玛琪雅朵,奶盖做得唔错,只杯做到奖杯咁,几搞笑。甜品叫冬恋富士山,就系雪糕多士加士多啤梨果肉,个雪糕香草味好浓,上面洒咗朱古力粉苦苦地中和甜味,多士口感做得几好,不过分量稍多,最后我地都冇食晒。除咗换购饮品冇得折,而且全店都有七折优惠,影相倾计玩咗成晚都系106埋单,而家唔可以刷卡只能收现金哦~适合少女心来帮衬。 收起
