广州NEW STAR味道怎么样?

睇左下楼下朋友D点评,又觉得其实无咁差啊。可能我系比较迟去食呢个团购既,过晒团购高峰了吧。首先讲讲位置,如果按佢所提示既方法,的确5算太好稳,5系西门口广场,而系西门口广场隔离间平房既2楼,嗯,无任何门面可言,就系楼梯上挂住个招牌,行过路过,你一定错过果只。果日我地无提前一日订位,系下午订晚黑既,都俾我地去,皆因上到去发现,无其他客人。一坐低就知我地系团购既,服务态度都无话爱理不理。讲翻食物质素,49蚊既二人套餐,从分量各方面来睇,都真系好过得去嘎啦。当然,果两杯野的确比较难饮。但牛扒味道还可以,就系咸左D。要左个椰皇鸡饭,普普通通,但5会食到你呕既。鸡翼5错啊,我地差D想ORDER多一客。好安静,而且有WIFI,我地坐左好耐,玩IAPD玩到5愿走。仲话下次无野做都可以去坐下食下鸡翼。 收起