哎哎。。。呢间野开左好耐了,由我读幼儿园到我大学毕业出来做野了,系我印象中换左3个老板,云吞面既味道每况日下,我印象中第一个老板间店既名叫北方面店,但系卖广州传统云吞面,非常正宗而且好食;跟住换左老板,云吞馅料变成冬菇猪肉,我同老豆都觉得比较失望,汤底味道淡好多而且差左;再之后就系宜家呢间啦,云吞馅料变翻纯猪肉,不过都一般般,汤底变化就真系大,由清汤变成乳化既猪骨汤,带有猪油味,点解变化咁大?其实 展开
哎哎。。。呢间野开左好耐了,由我读幼儿园到我大学毕业出来做野了,系我印象中换左3个老板,云吞面既味道每况日下,我印象中第一个老板间店既名叫北方面店,但系卖广州传统云吞面,非常正宗而且好食;跟住换左老板,云吞馅料变成冬菇猪肉,我同老豆都觉得比较失望,汤底味道淡好多而且差左;再之后就系宜家呢间啦,云吞馅料变翻纯猪肉,不过都一般般,汤底变化就真系大,由清汤变成乳化既猪骨汤,带有猪油味,点解变化咁大?其实饮落去系好有大地鱼同虾皮味道,但最弊系老板熬汤既方法,材料放对了,但应该用文火慢慢熬,以致汤色不会浑浊,出来的脂肪少也不会乳化,味道就清甜好多,仲听讲会将纱布包住材料熬,令汤底更加金黄清澈。至于前面一直无提及既面,其实变化唔系好大,都系用翻竹升面,无碱水味,不过口感好唔好都好睇煮面师傅既手势,宜家通常煮得偏淋。虽然怀旧第一间既云吞面,但系呢间亦都有可取之处,而且算系咁多间面店里面品质中上水平。我宜家去就唔食汤面食捞面了,牛腩捞面一直都唔错,如果可以有翻多啲甜味就更好入口,再要一碗猪红汤,猪红汤好寡,好似味精水咁,呢个时候我会将捞面配既汤底加入猪红汤度,瞬间变得好好饮,大家不妨试下~ 收起
