今日去开果边嘅工地,终于有机会一尝静姐成日话好味嘅东北菜馆啦!我地去到都成点半啦,所以无乜人,几安静,感觉几好啦!我地首先点咗份酱骨架,仲要咗上汤娃娃菜、韭菜饺子、炝土豆丝、五花肉酸菜炖粉条、葱油饼、草帽饼、拔丝地瓜,仲配送一碗粥。佢哩度上次速度好快啊,唔知係咪人少嘅关系呢?酱骨架:嗯,颜色睇上去同我係其他东北菜馆食嘅唔一样,佢係比较自然嘅黄色,而其他就比较偏黑色。味道都算几好啦,唔会好浓味,淡淡 展开
今日去开果边嘅工地,终于有机会一尝静姐成日话好味嘅东北菜馆啦!我地去到都成点半啦,所以无乜人,几安静,感觉几好啦!我地首先点咗份酱骨架,仲要咗上汤娃娃菜、韭菜饺子、炝土豆丝、五花肉酸菜炖粉条、葱油饼、草帽饼、拔丝地瓜,仲配送一碗粥。佢哩度上次速度好快啊,唔知係咪人少嘅关系呢?酱骨架:嗯,颜色睇上去同我係其他东北菜馆食嘅唔一样,佢係比较自然嘅黄色,而其他就比较偏黑色。味道都算几好啦,唔会好浓味,淡淡地,焖咗好耐……上汤娃娃菜:本身娃娃菜就比较甜嘎,佢上汤一煮,将D甜味带晒出嚟,唯一觉得可惜就係,感觉佢煮嘅时间唔够,D娃娃菜唔係好霖,仲有少少硬,或者係未食惯嘅原因啦!韭菜饺子:佢度嘅饺子皮比较薄,起码对比起我食过嘅嚟讲,哩间算係最薄嘎!馅就普普通通咯,无咩特别!我咩都无就直接食,所以,原汁原味,都OK啦!炝土豆丝:原嚟同酸辣土豆丝有区别嘎,哩个係唔酸,而且唔觉得佢辣,唯一感觉就係D薯仔丝非常爽口咯!不过我比较钟意食酸辣土豆丝!五花肉酸菜炖粉条:非常好味哦!炖嘅时间好足够,D汤底酸酸D,好好味啊!D粉条又滑溜溜,配埋好味嘅汤底,超级享受啊!不过可惜啊,佢D五...花腩太肥啦!推荐大家去到都点嚟试吓!葱油饼、草帽饼:哩间葱油饼做得算比较好,但係都係一样干巴巴,呵呵,又开始怀念屋企果度嘅葱油饼啦!而草帽饼就好过瘾咯,都係一个字:干。两种饼都算比较香啦,呵呵,佢仲好便添,唔错……拔丝地瓜:嗯,佢下边垫咗好多青瓜哦,好爽嘎!我觉得今日食嘅拔丝地瓜唔係好好,味道就係一样嘅,就係D番薯唔同咯!哩度嘅番薯比较多水,感觉无其他地方嘅咁粉,软霖霖!做得都唔係好好,好多D糖粒啊,係比较大嘅糖粒咯!即使係咁,成盘都几乎俾我消灭晒,呵呵,食到自己都变大番薯啦!好可惜我未试到哩度嘅白粥啦,我地食完一碗想再点嘅时候,居然话无啦,呜呜……可怜哦!我地点咗咁多嘢,一埋单,先99喔,超级抵啊,食到我地饱到啊,唔识形容啊,仲有好多未食晒(又或者係我唔识点菜啦,搞到大家唔钟意食),可惜我已经无能为力啦,呜呜,唔制啊……唉,如果佢唔係咁远嘅话,你话几好呢,我就可以成日嚟食啦!性价比非常非常高啊!值得嚟啊……全文 收起
