国庆节果日去南沙天后宫,傍晚翻黎经过,就入去试下咯(之前有个亲戚介绍都唔错)。唔知道系唔系我地迟食饭(其实个时先六点几),反正入到大厅,觉得几冷清,只有几台既客人食梗饭。不过后来发现原来依家野整晚都好冷清,无咩人。经部长介绍,我地点左个“豉油鸡”、“鲍汁烩杂菌”、“番薯煲淋芥菜”、“椒盐鱼煲”、“咕噜肉”、“乳鸽”、“酿豆腐”···太多菜,唔系好记得啦!!强烈推荐,“鲍汁烩杂菌”,D汁收得好干,唔 展开
国庆节果日去南沙天后宫,傍晚翻黎经过,就入去试下咯(之前有个亲戚介绍都唔错)。唔知道系唔系我地迟食饭(其实个时先六点几),反正入到大厅,觉得几冷清,只有几台既客人食梗饭。不过后来发现原来依家野整晚都好冷清,无咩人。经部长介绍,我地点左个“豉油鸡”、“鲍汁烩杂菌”、“番薯煲淋芥菜”、“椒盐鱼煲”、“咕噜肉”、“乳鸽”、“酿豆腐”···太多菜,唔系好记得啦!!强烈推荐,“鲍汁烩杂菌”,D汁收得好干,唔似其他酒楼D菌煲甘,甘多汤水,而且底下有粉丝,吸收晒D精华,正!价钱只系16蚊,抵!跟住就系“酿豆腐”,听讲系自家磨制,食落感觉几滑,味道都唔错。“豉油鸡”就一般,无咩鸡味。讲真,如果系靓鸡都拿黎做白切鸡啦。至于其他菜式就中规中矩啦,食完都唔系好记得啦!饭后免费送糖水,部长话每晚都唔一样,个晚系送“木瓜炖雪耳”。14个人,三百几蚊,都算几抵咯,就系无车直达,最好自己开车去,酒楼前面有停车场! 收起
