广州橘子工房味道怎么样?

某日同女朋友见就脚先去食,食完之后只系得一个感觉,差!呢度环境都算OK,坐得都舒服,饮品可以,三五知己嚟饮嘢D兜下,吹吹水都好唔错。不过如果未食饭,就唔好嚟啦。我同我女朋友叫咗个特价餐(里面有咖喱鸡饭,一杯饮品,同一碟油菜),一个鹅肝酱炒饭+饮品,同一碟炸豆腐。碟炸豆腐都唔错啦,5蚊碟,又便又几好食,其他嘢就唔掂啦。咖喱鸡饭,分量劲少,3岁细路食完都仲饿啦,D咖喱鸡,得几旧薯仔几旧鸡,好似隔离台食完再攞过嚟咁,味道又唔得喔,真系一肚气。碟油菜仲要等大半个钟先嚟,嘢都食完,嘴都抹干净晒啦。特价餐姐,都唔使咁嘎~~做到咁样嘅特价餐不如唔好做啦。仲有嗰个鹅肝酱炒饭,唉,臭嘅~~~真系好佩服女朋友嘅毅力,坚持食晒,下次唔好食就咪食啦。不过都唔会有下次。 收起

大一嘅时候同男朋友去过几次,环境ok,不过点都冇小厨嗰D好噶啦。服务都ok,D服务员几友善嘅。不过可能间铺唔显眼,所以比较少人去,但好唔明次次经过都系见到麦记多人过佢同大家乐。麦记咁唔健康咁唔抵食都咁多傻仔去。讲到食物就一般啦,性价比低,试过焗海鲜同黑椒意粉,焗嘅都可以咁啦,黑椒就麻麻啦,有一次仲要食到个黑椒意粉有条铁丝系度,成额汗。。不过佢都肯同我换过碟新嘅。D野饮都可以咁啦,都系饮我地最中意嘅柚蜜多D,ok,唔会好甜,味道比较适中。仲试过佢D chess cake,几唔错。当然冇天使简约咁好啦,不过几滑下。我觉得全间野最好食嘅应该系佢D cake咯。 收起