广州金招牌茶餐厅(东风东店)味道怎么样?

对呢间茶餐厅最有好感了!佢3间分店都去过,连已经唔做嘅北京路果间都去过。东风店呢度环境系最靓,因为外面楼下就系游泳池,可以一边食野,一边睇人游水,好舒服!基本上都系为佢嘅下午茶而离,呢个价位,呢个分量,系广州真系好难得,系我食过最抵嘅下午茶!食过一次早茶,早餐套餐都好抵啊,不过晚餐嘅话,性价比低少少!味道都好好,红豆冰,奶茶好好味,食完佢嘅下午茶,基本系饱肚嘅!如果唔系离我屋企有d距离,我肯定当佢饭堂啦! 收起

地點一啲都唔好搵. 寫住咩東峻广场斜對面, 結果東峻广场喺十字路口位, 搞到我圍住佢行咗一個鍾頭都搵唔到. 而且我唔熟嗰頭, 以為東風廣場係個shopping mall, 結果原來係個小區, 東風會係佢哋小區嘅會所, 真係激餐死. 去到已經咩脾氣都冇曬, 嗰度得兩三個服務員, 一腳踢, 坐低咗都冇人理我哋. 但係店長忙還忙, 唔會燶面, 態度都幾好, 另外一個師奶就嘛嘛嘞. 嗰度環境okay, 樓下係小區嘅泳池. 不過卡座嘅沙發已經甩皮. 出品方面反而算係有驚喜. 價錢方面同出邊嘅港式茶餐廳差不多, 但係佢嘅出品算係比較精良, 向高小小嘅路線行. 特別係個頭盤, 有蝦有蠔有雞翼, 而且啲食材食得出係新鮮嘅, 蠔殻亦都唔係循環再用嘅. 奶茶都唔錯, 同我去香港飲嘅差唔多, 不過分量就真係唔夠喉. 其它嘅不功不过. 如果交通方便嘅話, 可以考慮再去. 不過事實的確唔方便, 搭地鐵行死人. 收起

话说见到咁受欢迎,尤其系个个都话环境唔错,咁就来试下,系东峻广场度问人,无人知道系边,原来要过马路系小区入面既会所,所以透明玻璃系可以见到个游泳池噶~~环境确实几好,心旷神怡~越夜越多人,应该都系住小区附近~D野唔算好贵,而且主食系有优惠加酥皮汤,送红豆冰~点左个杂锦饭,一半系白汁鸡柳意粉一半系焗饭,唔好吃~28蚊,好难顶尤其个意粉,好淡,个黑椒鸡扒饭,好咸,主食配既肉酱意粉就好正了~连阿妈都赞~D炒菜就真系好唔掂,可能唔识得点宋,够胆系度吃海参,唔系一般难吃,好似吃有沙既腐皮~值得一赞既系个牛扒,忘记咩名了,全部都系牛既,有牛仔骨牛扒同西冷扒,用黑椒汁点,好吃!点左五六样野埋单140,话唔够四个人既主食所以收左两个人既茶位费,晕~~ 收起