老表过年请众人去山东老家食饭,只见这里门前停满小车,饭店占地面积颇大,有数层楼高,像一城堡,正上方有一牌匾“齐鲁王府”,下面仲有关二哥撑住,认真够气派~~订咗二楼的包房,依道的装修古典雅致。包房内有两围枱,我都系第一次见到咁大张餐台,坐咗17个人都仲好阔落~上菜都几快,菜式的碟头同一般的北方菜比起来精致好多,摆在这张巨枱上显得好细碟。最先上的系人手一块的酱骨架,食落味道几好,肉质够淋够入味,少偏咸 展开
老表过年请众人去山东老家食饭,只见这里门前停满小车,饭店占地面积颇大,有数层楼高,像一城堡,正上方有一牌匾“齐鲁王府”,下面仲有关二哥撑住,认真够气派~~订咗二楼的包房,依道的装修古典雅致。包房内有两围枱,我都系第一次见到咁大张餐台,坐咗17个人都仲好阔落~上菜都几快,菜式的碟头同一般的北方菜比起来精致好多,摆在这张巨枱上显得好细碟。最先上的系人手一块的酱骨架,食落味道几好,肉质够淋够入味,少偏咸些。再上两个青菜,一个系川味的煸四季豆和呛炒包菜,四季豆比较辣,在座的人唔多感冒,我比较喜欢个碟包菜,辣辣地食落好爽脆。跟住上咗几个主食,有饺子、葱油饼、草帽饼。我觉得饺子整得好好食,皮滑馅料味道好。两种饼整得好干好硬,唔知系咪放咗好耐至上,不如平时食到的。上来一碟睇落比较精致的蝴蝶骨,食落味道浓郁带黑胡椒味和蜜汁味,肉几嫩,心机菜~~ 分量多滴就好了。烧鸡大约半只,比较干,卖相一般。京酱肉丝配春饼,味道可以。还有个京葱炒羊肉,我喜欢食羊肉,唔怕膻,其他人都受唔到个种味,得我光顾。有一份系黑米饼,颜色乌黑,食落即系小煎饼一样,健康食品啦。一大碗汤面,面煮...得太淋了,冇滴筋道,仲不如自己随便煮的。 最后上一道酸菜鱼,分量几大,唔系好辣,冇川式的麻,只有泡椒的辣,盖唔住鱼的腥味,做得一般般。甜品就系黑米粥,煮得几绵滑,唔会太甜,个个都喜欢食。 28个人埋单系一千九百几,仲要系打咗折。认真唔便,但食的嘢只系家常大路货,特别出色的真系冇几样。我觉得仲不如九毛九等差不多的北方餐馆,价钱也冇咁贵,依道只系胜在环境够气派,适宜请客办宴席。全文 收起
