广州东海湾酒家味道怎么样?

娘亲话呢度的黄鳝饭好好味,于是谂住父亲节来回味下,因为父亲节,所以提早一个礼拜订位,房间要360最低消费,我地7大1细,谂住应该差唔多价钱,都觉得OK~要了两煲黄鳝饭,42一煲,用饭碗装饭装满一碗的话,一煲有4碗饭多D,饭都几甘香,味道几好,不过等了一个钟有多……半只红葱头淋鸡,一例烧鹅,味道不过不失,要了一例酸菜鱼,酸菜非常多,鱼肉唔系好新鲜,呢个唔好食!芥兰炒肥叉,肥叉多过芥兰……不过肥叉就真系好肥,多数唔食得!面酱捞豆角的豆角就好淋甜,味道唔错!最后为小朋友叫咗半打一品包,燕麦馅的餐包仔,呢个系最值得赞赏的,好好味!最后埋单363,刚刚够低消,服务员一直系房间出面游魂,完全自己服务自己,服务真系要比0分! 收起

去完花鸟虫鱼市场后过来饮茶吃饭,环境和卫生都一般般,但点心胜在唔算贵。腐皮卷(特点)8元有4大件,味道可以,一个内有两块卤牛肚几片鸡肾的超点12元,灰常一般。香茜上杂粥9元,D猪粉肠是有苦味既,吃唔落。大厅有特价菜,两个人点了两条豉味蒸黄骨鱼17.60, 粗粮玉米饼9.80(原价15.00),顺德鱼藕饼23.80(原价33.00)。黄骨鱼蒸得刚刚够火候,用面豉酱代替豆豉,很滑但偏咸。粗粮玉米饼几好吃。顺德鱼藕饼鱼肉味道不足,马马虎虎吧,胜在是超特价,原价我就唔会吃啦,两个人吃唔晒,打包了鱼藕饼和粗粮玉米饼。服务员态度唔错,不过呢间野,埋单86.20, 但收了86.50, 且等了十几分钟先找番钱,真系麻麻。如果唔介意出品的味道,呢间酒家都算唔错既,门外停满了车,相信都系睇系价钱上较划算吧。 收起