噚晚落班帮一个女同事搬屋,由6点搞到7点半先搞掂,跟住就係嗰位女同事请食饭,不过我对广工附近唔熟,就话求其啦,佢话过去绿茵阁啰,我都冇所谓,咪行过去啰~原哩係区庄哩间,行到嗰附近我先谂起呢,不过都係未去过哩间嘢~ 佢喺二楼嘅,入面装修几有情调,不过好似西餐厅都係咁嘅,虽然每间都唔同咁,不过我感觉就係啱情侣拍拖食饭~ 当时人都唔少吧,不过都仲有空位,我哋揾张两人台坐低之后就想点餐嘞,不过硬係好似唔够 展开
噚晚落班帮一个女同事搬屋,由6点搞到7点半先搞掂,跟住就係嗰位女同事请食饭,不过我对广工附近唔熟,就话求其啦,佢话过去绿茵阁啰,我都冇所谓,咪行过去啰~原哩係区庄哩间,行到嗰附近我先谂起呢,不过都係未去过哩间嘢~ 佢喺二楼嘅,入面装修几有情调,不过好似西餐厅都係咁嘅,虽然每间都唔同咁,不过我感觉就係啱情侣拍拖食饭~ 当时人都唔少吧,不过都仲有空位,我哋揾张两人台坐低之后就想点餐嘞,不过硬係好似唔够服务员咁嘅,比较难先有个服务员经过咁,哩样嘢真係有待改善~ 我自己对西餐冇乜研究,最后就嗌咗个泰皇炒饭同埋一杯冻橘果茶,而个女同事就嗌咗个黑椒牛柳丝炒意粉同埋一份蜜汁火腿芝士焗薯球~相比比较难嗌服务员,佢哩度上餐又算几快嗰喎~ 过咗冇几耐就炒饭意粉同埋冻橘果茶都上嘞,我一望碟炒饭,感觉分量几多下,确实真係好多,我最尾食唔晒...感觉料几足,啲饭都几好食,仲有一啲海鲜都唔错,不过可能係因为天气热吧,我觉得比较油,食落几漏下,所以最后食唔晒...不过我几钟意杯冻橘果茶,其实我都饮唔出係咩,不过有啲酸,我比较钟意,佢装茶嘅都唔似杯嘅,好似一啲装白酒嘅器皿,比较得意,反正我就几钟意~ 我望同事嗰碟炒意粉,硬係有种奇怪...嘅感觉,就係好似炒乌冬咁嘅,哈哈,好唔好食我就唔知嘞~ 最尾上嘅係薯球,我真係觉得个薯球好漏,亦都有啲咸,但係我食唔出薯味,只係好浓嘅芝士味,可能真係天气原因,我实在顶唔顺嗰种漏,食咗两嚿就冇食嘞...食完之后我哋顷咗一阵偈,大概十几分钟之后我就嗌埋单嘞,我问佢招行信用卡有冇得打折,佢话要过9点点餐先有,不过都冇所谓啦,总共係123,感觉仲可以,不过都係同女士过嚟先有feel嘅啫,如果同啲男嘅嚟我就唔想嚟咯嘞,所以至少一段时间内我都唔会嚟哩啲地方咯嘞,哈哈~全文 收起
